പതിമൂന്നുകാരിയുടെ മുമ്പില്‍ വച്ച് പരസ്യമായി സ്വയംഭോഗം ചെയ്ത 33കാരന് കനത്ത ശിക്ഷ വിധിച്ച് കോടതി.
മൂന്ന് വര്‍ഷം കഠിനതടവും 20000 രൂപ പിഴയുമാണ് പ്രതിയായ എച്ച് റഹ് മത്തുള്ളയ്ക്കയ്ക്ക് കോടതി ശിക്ഷയായി വിധിച്ചത്.
ബംഗളൂരു അതിവേഗ കോടതിയുടെതാണ് വിധി. 2020ലായിരുന്നു കേസിനാസ്പദമായ സംഭവം.
പെണ്‍കുട്ടി തന്റെ നായക്കൊപ്പം നടക്കുന്നതിനിടെയായിരുന്നു ഈ അതിക്രമം.
പെണ്‍കുട്ടിയുടെ മുമ്പിലെത്തിയ യുവാവ് സ്വയംഭോഗം ചെയ്യുകയായിരുന്നു. ഇത് കണ്ട് വീട്ടിലേക്ക് തിരികെ നടന്ന പെണ്‍കുട്ടിയെ ഇയാള്‍ പിന്തുടരുകയും ചെയ്തിരുന്നു.
പെണ്‍കുട്ടിയുടെ പിതാവിന്റെ പരാതിയില്‍ ദിവസങ്ങള്‍ക്കുള്ളില്‍ പോലീസ് പ്രതിയെ അറസ്റ്റ് ചെയ്തു.
സിസിടിവി ദൃശ്യങ്ങളിലൂടെയാണ് പ്രതിയെ തിരിച്ചറിഞ്ഞത്. വിചാരണയില്‍ ഇത് തെളിവായി ഉപയോഗിക്കുകയും ചെയ്തു.
